Un dos mantras do pensamento dominante é o do consenso. Consenso forzoso e antidialéctico. A ditadura do gris mediocre que criminaliza calquera contraste, sobre todo os máis agudos.
Un dos campos nos que se libra a batalla das ideas é o da linguaxe. Recursos como a neolingua son empregados para nos impor un marco ideolóxico onde os significantes engolen os significados. Onde os conceptos se prostitúen mediante a retórica da manipulación. A uniformidade do ‘politicamente correcto’, ou o que é o mesmo: do que non incomoda. Non caben adxectivos, non cabe cualificación. Nada que poida contribuír a definir con nitidez a realidade. Nada que permita liberarse do xugo alienante das medias verdades interpretadas polos media.
Bautista Álvarez é hoxe noticia. Non en recoñecemento do seu inmensurábel contributo á causa da emancipación social e nacional do noso pobo. Non para dar a coñecer a biografía de quen encarna como ninguén os valores da entrega, da loita, da xenerosidade, da solidariedade, da humildade. Un camarada exemplar que personifica o compromiso coa súa patria e coa súa clase. Non. Hoxe Bautista foi noticia para ser utilizado, a través da deliberada manipulación, para bater máis unha vez contra o Bloque do que foi pai. Houbo quen non tardou en envolverse na caricatura infame para presentarse falsariamente como vítima de non sabe que agravio.
Diseccionaron o seu último artigo no Terra e Tempo para, descontextualización mediante, emborrallar a súa lúcida análise sobre o fenómeno escisionario no BNG. Firme, dura, mais tamén certeira. Edificada sobre a rica retranca que só pode usar quen confía na intelixencia colectiva do seu pobo. En quen dialoga co pobo, non coa masa. En quen sabe da capacidade do común para comprender metáforas e alegorías; para discernir a enxunlla dos xogos de palabras.
Unha das características que nos fai, a moitas e moitos, admirar a Bautista é a súa valentía a proba de oportunismos. A súa firmeza nos principios. Que non teña reparos en expresar con liberdade o que pensa, proa a quen lle proa. Valentía que agroma da forza dunha ética colosal e dunha honestidade intelectual envidiábel.
Os mesmos que aplauden entusiastas as falsidades que braman desde o rancor os ‘Edipo’ do nacionalismo galego non poden aturar retruque algún. O que incomoda non son as formas, senón a verdade que encerran as súas afirmacións. Pois ben, como alguén apuntou xa, Bautista simplemente dixo o que alguén tiña que dicir.
Pois claro que sí. Ánimo compañeiro Bautista!! Ti si que vales. Eu recito fragmentos dos teus artigo en Terra e Tempo antes de me deitar polas noites e me reconfortan espiritualmente. Ah! Por certo: fagamos unha manifa en contra dos significantes larpeiros. O povo galego contra a voracidade dos significantes!!!! Ánimo compañeiros!!!!
GústameGústame
Ves como a retranca é lícita e non se pode interpretar en chave ofensiva? Obrigado por comentar.
GústameGústame
Herr camarada bautista, o nacionalismo non e BNG e BNG non e o nacionalismo…só unha parte de el …querolle informar que existe nacionalismo máis ala do BNG-UPG, moito máis do que vostede e os seus compañeiros do politburó pensan..agora, outra cousa é que vostede só recoñeza coma nacionalistas os Estalinistas da UPG-BNG, algo moi propio, dende logo, dos reximenes totalitarios marxistas onde o lema ” con nos ou contra nos” esta en vigor nos seu sinificado absoluto.
Non fun militante do BNG nunca pero si son nacionalista, ainda que a vostede lle poda parecer imposible, e coma min ducias de milleiros de galegos democraticos de dereitas, de centro e de esquerdas…Camarada Bautista, a sua pataleta o deixa no mais terrible dos ridiculos, tanto a vostede como a quenes alentaron e alentan a critica, insultos e descalificacions os nacionalistas galegos que non q
GústameGústame
que non estamos dispostos a pasar por ningun aro totalitario nin somos maxistas. Saude e terra
GústameGústame
Gostaría saber, Manuel, en que fundamentas a insidia do ‘aro totalitario’… De vez. Obrigado por comentar.
GústameGústame