Anticapitalismo vs social-liberalismo: Miren Etxezarreta vs Marc Vidal

Comparto aquí un vídeo do programa Ágora de TV3, no que se inclúe un interesantísimo diálogo-debate entre Miren Etxezarreta e Marc Vidal.  Miren é catedrática emérita de Economía Aplicada da Universidade de Barcelona, doutora pola London School of Economics e activista do Seminari Taifa d’ecomia crítica. Marc, pola súa banda, é un analista económico dedicado profesionalmente ás star-ups … Seguir lendo Anticapitalismo vs social-liberalismo: Miren Etxezarreta vs Marc Vidal

Exerzamos de 99%

Mañá a clase traballadora galega estamos convocada a exercer a nosa máxima forma de protesta: a folga xeral. A folga do 29 de marzo ten por obxectivo lograr a retirada da última contrareforma laboral, aprobada por decreto polo goberno Rajoy, mais non só. Non é unha convocatoria finalista, senón un paso máis no necesario combate social contra do paquete de medidas antisociais e recorte de dereitos co que a clase dominante, a través dos seus gobernos vasalos, pretende cargar os custes da crise sistémica do capitalismo sobre a maioría social.

O éxito, seguro, da folga de mañá non será a fin de nada, senón un chanzo máis nun proceso, unha batalla máis (inda que importante) nun conflito -a loita de clases- que non parece doado pero do que non podemos fuxir. A gravísima agresión que representa a reforma laboral non é o problema, senón apenas un dos seus síntomas. Houbo outros (anterior reforma laboral, empobrecemento das pensións, suba inxusta de impostos…) e haberá máis (recortes de dereitos, destrución dos servizos públicos…).

Seguir lendo “Exerzamos de 99%”

Fartas/os deste saqueo

As rúas de Vigo, como outros moitos lugares de Galiza e do Estado, levan moitos meses sendo un fervedoiro. A cidade olívica ruxiu con importantes, e nalgún caso masivas, mobilizacións en contra dos efectos sociais da crise do capitalismo neoliberal.

As exitosas folgas xerais do 29 de setembro de 2010 e do 27 de xaneiro en 2011, as sucesivas manifestacións e actos de protesta en defensa dos sectores produtivos da comarca –naval, automoción…– e contra o desemprego, ou as mobilizacións do pasado domingo –nas que se clamou pola folga xeral– constatan o clima de combatividade social que latexa entre a xente, farta de tanto saqueo.

Seguir lendo “Fartas/os deste saqueo”

Folga xeral indispensábel

A situación de desemprego na nosa comarca, con 70.000 paradas/os, e o continuado desmantelamento de importantes sectores produtivos, como a construción naval, debuxan un escenario de emerxencia.

Situación que ven de ser agravada polo acordo de CC OO e UGT coa patronal, que recunca na perda de dereitos, e cunha nova reforma laboral que por decreto precariza até o extremo as condicións laborais.

Seguir lendo “Folga xeral indispensábel”

Nova traizón á clase traballadora.

Coa sinatura por parte de CCOO e UGT con CEOE e CEPYME do denominado ‘II Acordo para o emprego e a negociación colectiva’, o pasado 25 de xaneiro, profúndase na desregulación do mercado laboral e na precarización das condicións de traballo, do que xa era expresión o anterior acordo equivalente asinado baixo o patrocinio de Zapatero.

Hoxe, como daquela, o sindicalismo entreguista de matriz española xustifica esta nova serie de cesións en beneficio da patronal en base á excepcional situación de crise. Como se a crise sistémica do capitalismo neoliberal fose consecuencia das excelentes e inasumíbeis condicións de traballo e non se desatase pola cobiza especulativa do capital financeiro, baixo o campo aberto que para tal fin creou o neoliberalismo -coa activa complicidade da socialdemocracia oficial- reducindo á mínima expresión a participación pública, dos Estados, na economía.

Seguir lendo “Nova traizón á clase traballadora.”

Vídeo-entrevista a Suso Seixo trala Folga Xeral do 27-X.

O Secretario Xeral da CIG analiza o acordo de reforma das pensións, a folga xeral e as mobilizacións, e adianta os retos de futuro da central sindical nacionalista e de clase após o éxito desta convocatoria. [kml_flashembed movie=”http://www.youtube.com/v/MF6XlC46VKk” width=”520″ height=”320″ wmode=”transparent” /] Seguir lendo Vídeo-entrevista a Suso Seixo trala Folga Xeral do 27-X.

Cara unha nova folga xeral.

A CIG ven de manifestar estar disposta a valorar unha nova convocatoria de folga xeral, mesmo en solitario, se o Goberno central non desiste dos seus plans para a contrareforma das pensións e se non retira a reforma laboral que provocou a masiva contestación das clases traballadoras o pasado 29 de setembro.

Non parece un órdago, nin un anuncio gratuíto o da central sindical nacionalista e de clase. Ao contrario, após o rotundo éxito do 29-S percíbese con claridade a disposición de amplas capas das clases populares do noso país a seguir a mobilizarse, mesmo a través dunha nova folga, para frear as políticas neoliberais do goberno Zapatero.

Seguir lendo “Cara unha nova folga xeral.”

29 de setembro, Folga Xeral.

Un síntoma de que a Folga Xeral convocada para o vindeiro 29 de setembro vai ser con toda probabilidade un éxito, é a énfase coa que as clases dominantes a través dos medios de comunicación (dos que son donos) están a bater contra dela. Certo é que as intervencións públicas, e sobre todo as televisivas, dos principais cabezas do sindicalismo pactista de ámbito estatal mesmo parecen alentar a desmobilización coas súas tímidas e inconcretas argumentacións.

Nunca antes houbo tanto despregue demoscópico nin de opinadores profesionais (que se comportan ás máis das veces como mercenarios do pensamento único), para proxectar a idea de que a folga será un fracaso, de que ninguén parará e este mércores será un día de absoluta normalidade laboral. Obsérvese que non se cuestionan xa as razóns -obxectivamente indiscutíbeis- que fundamentan unha folga xa non necesaria, senón mesmamente imprescindíbel. Agora a consigna é desmobilizar por contaxio, instalando a idea de que non haberá folga procurando que quen pretenda secundala finalmente desista.

Seguir lendo “29 de setembro, Folga Xeral.”

Parar o País para frear un goberno.

Estamos ás portas dunha Folga Xeral, que aínda que serodia e pouco alentada por parte do sindicalismo pactista de ámbito estatal, é unha data importante.

A folga do vindeiro 29 de setembro é unha oportunidade excepcional para expresar con contundencia a masiva oposición ás medidas antisociais, propias do neoliberalismo, que o Goberno español do PSOE aplicará coa súa nova contrarreforma laboral, como con acerto a denominou Guillerme Vázquez, portavoz nacional do BNG. Unha oportunidade importante, que non podemos nin debemos desaproveitar as clases traballadoras galegas. As e os asalariados, as e os autónomos e mesmo a pequena empresa, debemos parar Galiza o próximo día 29 para enviar unha mensaxe inequívoca que free as pretensións -convertidas en decreto- de abaratar o despedimento até o converter en case gratuíto, de privatizar as políticas de colocación de emprego para lucrar unhas ETTs que a reforma engorda, de incrementar a temporalidade e precariedade dos contratos, de dinamitar a negociación colectiva coa que as e os traballadores defendemos os nosos dereitos ou de facer das baixas médicas motivo de despedimento obxectivo.

Seguir lendo “Parar o País para frear un goberno.”