Categoría: Internacional

Publicado o

Nin Mas, nin març: Catalunya avanza.

«Ou Mas ou març». Ese era un dos enunciados que nas últimas semanas sintetizaba a chantaxe de Junts pel Sí á CUP, para forzar o independentismo anticapitalista a investir a Mas baixo a ameaza duns novos comicios, nos que o soberanismo podía perder a maioría parlamentar. Esa idea, a da imposibilidade de que puidese haber procés sen o xa exPresident, levou a moitas –tamén en Galiza– a cuestionaren a decisión (e os motivos que a fundamentaban) adoptada pola maioría da CUP. Non só non era imposíbel, senón que finalmente foi.

Seguir lendo “Nin Mas, nin març: Catalunya avanza.”

Publicado o

Con Baños ou sen el, a culpa non é da CUP

O pasado domingo o Consello Político da CUP decidiu, recollendo o sentir das bases nas súas asembleas territoriais e dos colectivos que se artellan na Crida Constituent, mantérense firmes na negativa a investir a Artur Mas como President. Así se resolvía o empate que unha semana antes deixaba sen decisión concreta a Asemblea Nacional Extraordinaria (ANE). Un empate, raro pero democrático, que se desfixo con máis debate e máis democracia, confirmando a solidez da cultura política cupeira.

Seguir lendo “Con Baños ou sen el, a culpa non é da CUP”

Publicado o

O empate na CUP devolve a pelota ao tellado de JpS

Sabíase difícil. A decisión que tiña que adoptar a Asemblea Nacional Extraordinaria da CUP para desbloquear, nun sentido ou noutro, a situación política catalá non era sinxela. O debate encerraba unha manifesta complexidade, onde o contexto e os matices xogaban un papel importante. A ecuación que pode resolver o punto morto derivado dos resultados do 27S exixía de moito máis que aritmética, como ben apuntou Antonio Baños ao remate do conclave da CUP.

Seguir lendo “O empate na CUP devolve a pelota ao tellado de JpS”

Publicado o

CUP e a incógnita Mas

No titular da páxina de internacional que esta semana asino no semanario Sermos Galiza afirmo que o futuro de Catalunya está nas mans da CUP. Non é unha exaxeración. Este domingo a Asemblea Nacional Extraordinaria da Candidatura de Unitat Popular vai decidir moito máis que o futuro inmediato da gobernabilidade de Catalunya, optando por investir ou non a Artur Mas como President. A escolla está marcada polos novos cenarios abertos após os comicios cataláns do 27S, pero tamén polas eleccións xerais do 20D, e cun posíbel cambio de liderado do proceso independentista como pano de fondo. As bases da CUP despexarán a incógnita Mas.

Seguir lendo “CUP e a incógnita Mas”

Publicado o

Rafael Correa 2 – Ana Pastor 0

Rafael Correa, recentemente re-elixido Presidente do Ecuador con preto do 60% dos votos, protagonizara unha polémica entrevista conducida pola xornalista Ana Pastor, daquela directora dos Almorzos informativos de TVE, cargo do que foi cesada tras o regreso do PP ao Goberno español. Naquela oportunidade Correa gañara sen dúbidas o envite dunha entrevista moi incisiva coa que Pastor procurou, sen exito, acurralar ao lider da esquerda ecuatoriana botando man do argumentario da dereita mediática daquel país.

Hoxe vén de publicarse unha nova entrevista, que puxo fronte a fronte un ano despois aos mesmos actores. Desta volta en CNN, Ana Pastor debullou –nun tono moito máis medido e prudente que na anterior cita– os principais asuntos de actualidade (eleccións en Venezuela, hipotecas, situación económica do Ecuador, crise…) e novamente Correa, despregando grandes doses de pedagoxía e cun discurso claro e directo, volveu deixar en evidencia o relato informativo dos mass media, parcializado e ideolóxico. Correa mesmo se atreveu a preguntarlle á xornalista a respecto da súa saída de TVE.

En todo caso, o mellor é velo e oílo. Eis os vídeos:

Parte 1/5

http://i.cdn.turner.com/cnn/.element/apps/cvp/3.0/swf/cnn_embed_2x_container.swf?site=cnn&profile=desktop&context=embedwww&videoId=spanish/2013/04/22/cnnee-intv-frente-a-frente-correa.cnn&contentId=spanish/2013/04/22/cnnee-intv-frente-a-frente-correa.cnn

Seguir lendo “Rafael Correa 2 – Ana Pastor 0”

Publicado o

3 documentais, 6 libros e máis de 400 artigos no 86 aniversario de Fidel

Fidel Castro é unha das personalidades máis senlleiras do século XX e continúa a ser unha figura chave neste primeiro treito do novo milenio. Fidel é sinónimo de entrega, de compromiso, de aguda intelixencia, de argumentación e conversa, de honestidade, de pedagoxía, de firmeza nas ideas, de coherencia intachábel, de valentía e coraxe, de sacrificio, … Seguir lendo 3 documentais, 6 libros e máis de 400 artigos no 86 aniversario de Fidel

Publicado o

As vitorias do espellismo reformista

As presidenciais francesas saldáronse coa vitoria da alternancia representada polo social-liberal François Hollande fronte ao neocon Sarkozy. Os comicios lexislativos en Grecia tiveron un resultado inédito mais non sorpresivo.

O certo é que o núcleo duro do eixo neoliberal foi claramente derrotado en ambos procesos electorais. As forzas políticas obedientes aos ditados da troika neoliberal (Comisión Europea, Banco Central Europeo e Fondo Monetario Internacional) foron moi castigadas, especialmente no caso grego. Nese senso ambos resultados poden constituír un síntoma positivo. Un sinal de incipiente reacción social fronte a ofensiva do capital e a súa política de saqueo contra as clases populares. Porén, nas eleccións desta fin de semana triunfou fundamentalmente o espellismo das falsas ilusións.

Seguir lendo “As vitorias do espellismo reformista”

Publicado o

Ai, não nos calam!

Esta versión combativa do patético “Ai, se eu te pego” é a base musical do spot co que as e os camaradas portugueses da CGTP-IN, central sindical de clase, anuncian a grande manifestación nacional convocada para mañá sábado 11 de febreiro en Lisboa, contra o desemprego, a precariedade, os baixos salarios e a política de … Seguir lendo Ai, não nos calam!

Publicado o

Rafael Correa, un discurso que paga a pena escoitar.

Faláronme del. Recomendáronme insistentemente que o vise e o escoitase con atención, e hoxe fun dar, no tamén recomendábel blogue de Carlos Tena, cun fragmento do excepcional discurso pronunciado polo Presidente da República de Ecuador, Rafael Correa, perante a Asemblea daquel país co gallo do Informe Anual. E fiquei enganchado da retórica vibrante, do verbo … Seguir lendo Rafael Correa, un discurso que paga a pena escoitar.

Publicado o

O compromiso coherente do PCP.

A resistencia electoral da coalición CDU, amosa a fortaleza social das e dos comunistas portugueses

[kml_flashembed movie="http://www.youtube.com/v/fcG06R0hVHk" width="645" height="300" wmode="transparent" /]

As eleccións portuguesas non ofrecen un resultado positivo, xa que a dereita ultraliberal representada polo PSD e mailo CDS-PP faranse coas rendas do goberno, nunha república presidida polo conservador Cavaco Silva. O certo é que asistimos a unha mera alternancia, sen que represente ningún cambio substancial, posto que o executivo do social-liberal PS de Sócrates partillaba xunto ao PSD o programa de reformas antisociais que a troika neoliberal -isto é o Banco Central Europeo, a Comisión Europea e o Fondo Momentario Internacional- vén de impoñer mediante un interesado rescate forzoso. Rescate nunha economía paradoxalmente menos endebedada que a española, e que se suma ao xa realizado en Grecia.

Seguir lendo “O compromiso coherente do PCP.”