CiU e o AVE para Galiza

As declaracións de diferentes representantes de CiU contra o investimento no AVE galego volven retratar a forza ‘nacionalista’-conservadora catalá. Apartemos da cuestión o entusiasmo ou rexeitamento que xera unha infraestrutura discutíbel coma o tren de alta velocidade. O tema é outro. A defensa dunha balanza impositiva máis favorábel aos intereses cataláns é unha aspiración lexítima. Facelo ademais cuestionando o proceso de recentralización política e económica do Estado é razoábel. Porén, cuestionar un investimento nun territorio coma Galiza co que o Estado acumula unha débeda histórica é irracional e inxusto. Cabe engadir ademais que Galiza tamén achega máis ás arcas centrais do estado -en impostos- do que recibe destas -en financiamento- como ten demostrado reiteradamente nas súas análises económicas Xosé Díaz Díaz.

Os líderes de CiU para reequilibrar os orzamentos xerais do Estado ao seu favor optaron por bater contra o investimento en Galiza presos da súas posicións políticas. Dificilmente poderían pedir a rebaixa do gasto militar demandando a retirada de tropas en misións imperialistas, xa que contan co seu apoio entusiasta. Tampouco podían reclamar unha reformulación da fiscalidade na liña contraria ao modelo neoliberal que partillan. Non falemos xa de pedir a supresión dos beneficios da igrexa católica, tendo en conta a pata democristiana da coalición catalá.

Seguir lendo “CiU e o AVE para Galiza”

Á rúa contra o saqueo

Hoxe primeiro de maio é unha data para a reivindicación. Non por liturxia. Non por costume. Hoxe temos motivos e razóns abondo para nos mobilizar co gallo do Día do Internacionalismo Proletario.

Ás contrareformas laborais e das pensións o goberno central do PP suma -cada día- novos recortes. E o executivo español inda ameaza con máis golpes contra as clases populares. Cada venres un nova puñada aos dereitos sociais e aos servizos públicos, como xa advertiu esta fin de semana o propio Rajoy.

Seguir lendo “Á rúa contra o saqueo”

O pobo traballador galego en loita

Pasaron case cinco anos do inicio da vixente crise sistémica. A burbulla da especulación financeira, nomeadamente hipotecaria, foi un dos seus principais desencadeantes. Porén, o que levamos de crise amosounos que esta é estrutural, sistémica.

O capitalismo, na súa fase da globalización imperialista, entrou da man do neoliberalismo nun proceso de colapso a nivel internacional. A reacción da clase dominante, da oligarquía empresarial e do capital, ten sido aproveitar precisamente este marco de crise para resolvela no seu favor en prexuízo da maioría social.

Seguir lendo “O pobo traballador galego en loita”

Banca Pública Galega

O Banco Sabadell insinuou un máis que probábel interese por facerse con NGB. Outro indicio que confirma que a lea das caixas galegas tiña unha finalidade clara. Entregar o aforro galego á banca privada foránea. Privar ao noso país do único instrumento financeiro que tiñamos. Enténdese agora a teima de MAFO de impedir por todos … Seguir lendo Banca Pública Galega

Saqueo orzamentario

Os Presupostos Xerais do Estado (PXE), resultado da maioría absoluta do PP, son un articulado de máis e máis recortes. Os primeiros orzamentos da era Rajoy fundaméntanse na bestial precarización de servizos públicos esenciais, como o ensinoou
a sanidade.

Son o densenvolvemento daquela reforma constitucional express aprobada, sen referendo, por PSOE e PP. Son a aplicación concreta do Pacto de Estabilidade do Euro, que malia parecer invisíbel publicamente é a raiceira de todas e cada unha das medidas antisociais acordadas polo goberno español. O actual e o anterior.

Seguir lendo “Saqueo orzamentario”

Imposto por enfermidade

O Goberno Rajoy obrigará ás e aos pensionistas a pagar parte dos medicamentos. Inda que perciban a miserenta pensión mínima. A gratuidade manterase só para as pensións non contributivas e desempregadas/os de longa duración sen subsidio. Polo momento. Redúcese tamén a porcentaxe subvencionada no prezo das menciñas para as e os traballadores en activo, que pagaremos … Seguir lendo Imposto por enfermidade

Menos por máis

Mentres amnistía a fraude fiscal das rendas máis altas e do empresariado o Goberno central anuncia, día si día tamén, novos recortes. Aos que máis teñen perdóanselles os seus incumprimentos tributarios. En troques, á maioría social o que se lle ofrece é cada vez menos por máis.

Subíronse os impostos para as rendas traballadoras. Incrementouse, outra vez, o prezo da luz e do gas, que van camiño de produto de luxo. Nada se fixo para evitar o espolio hipotecario ou a estafa das preferentes. E como guinda, a vixente vaga de retallamentos nos servizos socias públicos. Repago sanitario –por agora só farmacéutico–, remasificación das aulas ou redución ata a mínima expresión de bolsas e axudas á dependencia son tan só as medidas máis grandilocuentes.

Seguir lendo “Menos por máis”

Só unha lei

A área metropolitana de Vigo non parece unha realidade probábel. A coordinación administrativa e a mancomunación de servizos esixe acordo. Un consenso que non hai. A veciñanza non demandabamos unha lei que fique en papel mollado. Tampouco un novo esquelete burocrático que non faga ren nin resolva duplicidades. A veciñanza demandamos desde hai moito tempo un … Seguir lendo Só unha lei

O avanzo do 29M

O éxito da folga xeral do pasado 29 de marzo é indiscutíbel. O paro laboral e produtivo rexistrado durante a xornada na meirande parte dos sectores -e nomeadamente no ámbito industrial- foi masivo, como masivas foron as mobilizacións convocadas polo sindicalismo nacionalista e de clase.

Máis de 200.000 traballadoras e traballadores manifestáronse ese día coa CIG. Este dato encerra unha especial relevancia, non só por demostrar a capacidade mobilizadora do movemento nacionalista galego, senón sobre todo polo valor cualitativo. Mentres UGT e CCOO convocaron a folga xeral co obxectivo de sentar a negociar ao goberno Rajoy, a CIG fíxoo para esixir a retirada completa da última contrarreforma laboral. Esa diferenza e o nulo compromiso das centrais españolas por manter a loita no tempo, motivaron que o sindicalismo nacionalista convocase mobilizacións propias. Foi, máis unha vez, o entreguismo sindical de CCOO e UGT o que impediu a unidade de acción, non ningún afán isolacionista da CIG como inxustamente acusaron os media.

Seguir lendo “O avanzo do 29M”

Plantón ao alcalde

Se Abel Caballero non rectifica para evitalo, hoxe recibirá un sonoro plantón da Federación Veciñal. A FAVEC cansou de agardar, despois de moita espera, a que o rexedor cumpra coa palabra dada e firme un convenio de colaboración coa entidade veciñal, tal e como lle esixe un acordo plenario e lle reclama o BNG. Se antes … Seguir lendo Plantón ao alcalde